The Honourable Society of Cymmrodorion

Recognising the contribution of Wales in contemporary society

Golygydd

home > Y Gymdeithas > Pwy Yw Pwy > Golygydd

Yr Athro Helen Fulton FLSW

Magwyd Helen Fulton yn Cheltenham a Llundain cyn iddi allfudo gyda’i theulu i Awstralia. Graddiodd o Brifysgol Sydney a Phrifysgol Rhydychen, ble yr hyfforddodd yn Arbenigydd Celtaidd, a threuliodd dair blynedd ym Mhrifysgol Cymru, Aberystwyth yn gymrawd ôl-ddoethurol. Bu ei gwaith ymchwil yn bennaf ym maes barddoniaeth Gymraeg ganoloesol, a dysgodd Gymraeg fodern tra’n byw yn Aberystwyth. Ar ôl addysgu Cymraeg Canol a Hen Wyddeleg ym Mhrifysgol Sydney am 15 mlynedd, dychwelodd Helen i’r DU, yn athro ym Mhrifysgol Abertawe i gychwyn, wedyn derbyniodd Gadair Llenyddiaeth Ganoloesol ym Mhrifysgol Efrog, cyn ymgymryd â’i swydd bresennol, Athro mewn Llenyddiaeth Ganoloesol ym Mhrifysgol Bryste.

Cyhoeddodd Helen nifer o lyfrau a llawer o erthyglau ar lenyddiaeth ganoloesol, gan ganolbwyntio’n benodol ar lenyddiaeth Gymraeg ganoloesol. Bu hefyd yn dal swyddi rheoli, yn bennaeth adran a phennaeth ysgol. Bu Helen yn olygydd Trafodion Anrhydeddus Gymdeithas y Cymmrodorion ers 2008. Mae ganddi ddau fab ac mae’n briod â’r academydd a’r darlledwr Geraint Evans, siaradwr Cymraeg brodorol.