The Honourable Society of Cymmrodorion

Promoting the language, literature, arts and science of Wales

BRYNLEY FRANCIS ROBERTS, 1931–2023

Yn Eisteddfod Genedlaethol Rhondda Cynon Taf 2024 trefnodd Academi Hywel Teifi, Prifysgol Abertawe, gyfarfod arbennig yn y Babell Lên i goffáu’r Athro Brynley Roberts, brodor o Gwm Cynon a fu’n Athro’r Gymraeg ym Mhrifysgol Abertawe ac yn Llyfrgellydd y Llyfrgell Genedlaethol. Anerchwyd y cyfarfod gan dri a oedd yn ei adnabod: Gwerfyl Pierce Jones yn trafod y dyn a’i gefndir; Rhidian Griffiths yn trafod y Llyfrgellydd Cenedlaethol; a Robert Rhys yn trafod yr ysgolhaig. Cyfunwyd eu cyfraniadau yn y deyrnged hon.