JAN MORRIS
Mae Anrhydeddus Gymdeithas y Cymmrodorion yn anfon eu cydymdeimlad i deulu a chyfeillion Jan Morris yn dilyn cyhoeddi ei marwolaeth ar Dachwedd 20fed. Roedd Jan Morris yn hynod falch o’i threftadaeth Gymreig ac roedd ei chyfraniad fel awdur a hanesydd yn sylweddol. Cydnabyddwyd hyn gan sawl sefydliad a’i anrhydeddodd hi, yn cynnwys y Gymdeithas. Yn 2016, mewn dathliad i’r teulu ac aelodau o’r Gymdeithas yng ngogledd Cymru, dyfarnwyd iddi Fedal y Cymmrodorion a roddir am wasanaeth rhagorol a nodedig yng Nghymru a thu hwnt. Bydd ei gwaith yn byw ar ei hôl.